Die Vlak van Fotografie

by Gerhard

Aangesien ek eintlik afrikaans en my self dus beter kan uitdruk in afrikaans het ek besluit om die pos in afrikaans te skryf.

Voor die einde van 2008 aanbreek is daar ‘n paar dinge wat ek van my hart af moet kry sodat ons 2009 skoon kan begin.

Die vlak van fotografie in Bloemfontein

Soos julle seker weet is Bloemfontein ‘n baie klein stadjie in die middel van Suid Afrika. Soos enige dorp het Bloemfontein ook ‘n paar fotograwe(so om en by 200) wat ‘n lewe probeer maak uit ‘n populasie uit waar die gemiddelde inkomste van defnitief nie die hoogste in Suid Afrika is nie. Dit opsigself maak dit al klaar baie moeilik, maar dan kry jy nog die tipe fotos of kwaliteit van fotos wat die manne(en vroue) probeer neem wat defnitief nie naastenby op standaard is nie.  Nou sal julle sekerlik wil weet wat gee my die reg om so iets te skryf. Wel ek dink nie ek is veel beter  as enige van die ander 200 nie maar ek het wel twee groot oë gekry waarmee ek kan kyk en wragtig; ek het nog nooit so ‘n klomp een ogige konings bymekaar gesien nie.

As jy my nie glo nie, wel daar is so iets soos internet met duisende fotograwe van reg oor die wereld se werk wat jy kan gaan besigtig en as jy dit doen sal jy gou gou agterkom dat ons hier in Blommies so ver agter is dat ons eitlik dink ons is voor, soos ons wel doen.

Nou vir die oplossing.  Erken jou werk is nog nie op standaard nie, gaan kyk na ‘n paar fotograwe se werk en begin weer om iets nuuts te leer deur te lees en dit prakties toe te pas. Jy kan begin met ‘n boek van Joe Mc ‘Nally; ” The moment it clicks” , wat orals beskikbaar is. Dan kan jy nog manne gaan google soos Dave Black, Bob Martin, Bob Rosato, Brad Mangin om net ‘n paar op te noem.

Dalk sal ek vgl jaar die tyd my woorde sluk wat baie nice sal wees want sodra die vlak van fotografie hier vebeter sal my fotografie ook lig. Daarvan is ek doodseker.

Gerhard

http://www.supermedia.co.za

Advertisements